O‘zbekiston Respublikasi Kriminologiya tadqiqot instituti
Institutning xalqaro hamkorlik sohasidagi faoliyati O‘zbekiston Respublikasi Prezidentining "Kriminologiya sohasida ilmiy-amaliy tadqiqot ishlarini tashkil etish chora-tadbirlari to‘g‘risida"gi PQ-22-sonli Qarori hamda O‘zbekiston Respublikasi Vazirlar Mahkamasining "Kriminologik faoliyatni ilmiy ta’minlash chora-tadbirlari to‘g‘risida"gi 445-sonli qaroriga asoslangan holda tashkil etiladi.
Institut o‘z faoliyatida dunyoning yetakchi ilmiy-ta’lim markazlari bilan hamkorlikni rivojlantirishni ustuvor yo‘nalishlardan biri deb belgilaydi. Zamonaviy xorijiy universitetlar tajribasidan kelib chiqqan holda, xalqaro hamkorlik quyidagi asosiy yo‘nalishlarda amalga oshiriladi:
Institut xalqaro hamkorlikni oltita strategik yo‘nalish orqali izchil rivojlantiradi.
Kriminologiya, jinoyatchilikning oldini olish va huquqbuzarliklarga qarshi kurashish sohasida xorijiy ilmiy-tadqiqot institutlari, universitetlar va xalqaro tashkilotlar bilan qo‘shma loyihalar amalga oshiradi.
Institut olimlari va tadqiqotchilarining xorijiy ilmiy markazlarda malaka oshirishi, ilmiy stajirovkalar o‘tishi, shuningdek, xorijlik mutaxassislarni Institut faoliyatiga jalb etish ta’minlanadi.
Jinoyatchilikning oldini olish borasidagi xorijiy mamlakatlarning ilg‘or tajribalarini o‘rganish va milliy qonunchilik hamda amaliyotga tatbiq etish bo‘yicha tahliliy ishlar olib boriladi.
Xalqaro konferensiyalar, seminarlar, "yumaloq stol"lar va ilmiy muhokamalar tashkil etilib, ularda kriminologiya sohasidagi dolzarb masalalar ko‘rib chiqiladi.
Xorijiy hamkorlar bilan hamkorlikda ilmiy maqolalar, monografiyalar va to‘plamlar nashr etiladi, shuningdek, xalqaro ilmiy jurnallarda hamkorlik yo‘lga qo‘yiladi.
Xorijiy oliy ta’lim muassasalari, ilmiy-tadqiqot markazlari hamda xalqaro tashkilotlar bilan o‘zaro hamkorlik to‘g‘risida memorandumlar imzolanib, uzoq muddatli sheriklik aloqalari o‘rnatiladi.
