Tahlillar davomida hududning geografik jihatdan katta ekani, mahalla tarkibidagi qishloqlarning bir-biridan uzoqligi, Zarafshon milliy tabiat bog‘i va o‘rmon xo‘jaligi hududlarining mavjudligi hamda M-39 avtomobil yo‘lining mahalla hududidan o‘tishi kriminogen vaziyatga ta’sir etuvchi omillar sifatida baholandi.
Shuningdek, joriy yilning 7 oyi davomida mahallada jinoyat sodir etilmagani qayd etildi.
O‘rganish yakunlari bo‘yicha “mahalla yettiligi” faoliyatini kuchaytirish, profilaktik ishlarni manzilli tashkil etish, xonadonlarni qo‘riqlash tizimiga ulash, “jinoyat o‘choqlari”da xavfsizlik choralarini kuchaytirish hamda aholi o‘rtasida profilaktik-tushuntirish ishlarini takomillashtirish yuzasidan amaliy tavsiyalar berildi.
