O‘zbekiston Respublikasi Kriminologiya tadqiqot instituti huzuridagi Ekspertlar komissiyasining navbatdagi yig‘ilishi bo‘lib o‘tdi. Yig‘ilish davomida kriminologiya sohasiga oid qator muhim masalalar muhokama qilindi.
Jumladan:
🔹 mahallalarda kriminologik metodikalarni tajriba-sinovdan o‘tkazish tartibini belgilashga oid normativ-huquqiy hujjat loyihasi;
🔹 normativ-huquqiy hujjatlar loyihalarini kriminologik ekspertizadan o‘tkazish tartibini takomillashtirish masalalari;
🔹 Toshkent viloyatida jinoyatchilikni tadqiq qilish bo‘yicha ilmiy-amaliy tadqiqot hisoboti;
🔹 yoshlar o‘rtasida jinoyat va huquqbuzarliklarning oldini olish metodikasi;
🔹 Buxoro viloyatidagi firibgarlik jinoyatini tadqiq qilish bo‘yicha ilmiy-amaliy tadqiqot loyihasi hisoboti;
🔹 odam savdosi jinoyatini tadqiq qilish bo‘yicha ilmiy-amaliy tadqiqot natijalari ko‘rib chiqildi.
Muhokamalar davomida taqdim etilgan ilmiy-amaliy tadqiqotlar, metodikalar va normativ-huquqiy hujjat loyihalari yuzasidan ekspertlar tomonidan tegishli fikr va takliflar bildirildi. Yig‘ilish yakunida ko‘rib chiqilgan masalalar yuzasidan ilmiy-amaliy tadqiqotlarni yanada takomillashtirish bo‘yicha tavsiyalar belgilandi.
